Minsan nahiling ko na sana’y ako ang larawang
tinitingnan mo.
Ang palabas sa telebisyong iyong sinusubaybayan at
Tanawing palagi mong pinagmamasdan.
Ngunit ang lahat ng ito’y pawang kathang isip lamang
at isang kahilingang pinakaaasam-asam.
Isang bagay na sa akin lamang nabubuhay at
walang paraan upang bigyan mo ng kulay.
Dahil alam kong wala itong katuparan
sapagkat kailanman ay hindi ka maliliwanagan.
Nakakalungkot lamang na malaman,
na sa oras na ako’y matauhan.
Doon ka naman magpaparamdam
at dito’y malalaman, aking kahalagahan.
Kung pwede lang ibalik ang dati,
mga oras na ‘di mo nasabi.
Ibalik ang nakaraan
na may pantay tayong pagtitinginan.
-091111 1:03pm
Advertisements
